Asteroidar
Ein asteroide er ein liten, klumpete himmellekam som går i bane rundt Sola. Asteroidar er laga av metallet jern og av stein. Dei er vanlegvis grå, men nokre asteroidar kan vera meir raudlege. Asteroidar har ofte mange krater på overflata.
Kjelde: lille.snl.no
I 2022 sende NASA opp eit romfartøy som hadde som mål å krasja med asteroiden Dimorphos, skriv Forskning.no.
Asteroiden går i ring rundt ein annan større asteroide målte 160-170 meter i diameter, mens romfartøyet med namnet DART vog omtrent 600 kilo.
LIKE FØR: Denne illustrasjonen viser korleis det kan ha sett ut like før romfartøyet DART krasja inn i asteroiden Dimorphos. Illustrasjon: NASA
22 000 kilometer i timen
Forskarar sende romfartøyet DART i retning asteroiden i ein kolossal fart på 22 000 kilometer i timen.
Dette resulterte i ein forrykande kollisjon som førte til at asteroiden endra bane. I tillegg starta Dimorphos bevega seg mykje nærare asteroiden han går i ring rundt.
Forsking for framtida
Årsaka til at NASA gjorde dette forsøket var å finna ut om vi menneske faktisk kan vera med å styra retning asteroidar går dersom vi treng det i framtida.
No blir det sendt eit nytt romfartøy til Dimorphos-asteroiden for å så nøyaktig som mogleg finne ut korleis vi menneske kan påverka asteroidar i framtida.
