Menneskerettane er nokre rettar som alle menneske har, uavhengig av kjønn, alder, religion, legning, nasjonalitet eller kvar ein bur i verda. Stemmerett og fridom til å tru det ein vil, seia det ein vil og vera medlem der ein vil, er nokre av dei viktigaste menneskerettane.
Vel éi av desse oppgåvene:
– Skriv om ein menneskerett du skulle ønske at fanst, og korleis denne ville gjort verda betre.
– Skriv om ein menneskerett du synest er ekstra viktig og kvifor denne er viktig i dag.
– Lag eit intervju med 2–3 i klassen din der du spør om kva dei meiner er ein viktig menneskerett og kvifor dei synest denne menneskeretten er viktig. Hugs å send med bilde og telefonnummer til kvar forelder av dei du har tatt bilde av.
Krav
– Teksten må vera mellom 100 og 400 ord.
– Teksten må vera på nynorsk for å bli med i trekkinga av premiar.
Frist: 1. desember 2023
Vinn fine premiar
Dei beste bidraga blir publiserte i Framtida Junior, får abonnement på papiravisa Framtida junior i to månader og ei bok. Skuleklassen som sender flest gode bidrag, får 1000 kroner i klassekassen.
Send teksten kopiert inn i ein e-post til framtidajunior@gmail.com
Det er heilt greitt at lærar sender inn for heile klassen.
Skriv «Skrivekonkurranse menneskerettar» i emnefeltet. Hugs namnet ditt og namnet på skulen din.
Last ned verdserklæringa om menneskerettar her!
Les også: Miljøjournalistkurs: Tips til gode, grøne saker for Framtida Junior!
