India har fått sin eigen «National Space Day»

Den indiske statsministeren Narendra Modi har bestemt at 23. august frå no vil bli feira som «National Space Day». Det gjer han for å feira den vellukka landinga av Chandrayaan-3 på månen.

I India skapte månelandinga mykje spenning i heile samfunnet. Det vart bede for suksessen, skular sørga for at elevane kunne sjå månelandinga på TV, og mange arrangerte festar for å feire hendinga.

Statsminister Narendra Modi har no bestemt at frå no av skal 23. august markerast som «National Space Day». Det kunngjorde han då han snakka med forskarar frå den indiske romforskingsorganisasjonen ved ISRO kommandosenter i Bengaluru, ifølgje IndiaTVNews.