Dette blir opplyst i BBC Global News Podcast.
I Ghana blir det kasta over ein million tonn plast kvart år. Samstundes blir berre fem prosent av dette samla inn og resirkulert. Å resirkulere betyr å bruke noko om att, gjerne på ein ny måte.
I Ghana er det også rundt to millionar skulebarn som manglar ein skikkeleg plass å sitte når dei les eller får undervisning.
Med det fekk Makafui Awuku ideen om å resirkulere plastsøppelet til pultar for skulebarna som manglar dette og laga organisasjonen Mckingtorch Africa.
Makafui har plassert 300 innsamlingsstasjonar kringom Ghana der folk kan kaste plastflasker. I tillegg til dette kjøper han plastavfall frå søppelplukkarar. Alt dette søppelet blir så kutta opp i bitar. Desse bitane blir varma opp og pressa saman til eit fast, solid materiale som kan minne om treverket kryssfiner.
Dette materialet blir deretter pussa med sandpapir og brukt til å bygge pultar.
Så langt har 600 elevar på 12 skular i Ghana fått pultar frå Makafui. Kvar pult kostar omtrent 570 kroner (60 dollar). Det er ikkje skulane sjølve som betaler for dei, men organisasjonar som støttar prosjektet til Makafui.
