Mange barn har spørsmål om krigen i Ukraina og dei ukrainske flyktningane som kjem til Noreg. Derfor kjem statsminister Jonas Gahr Støre og kunnskapsminister Tonje Brenna til å svara på spørsmål frå barn om krigen i Ukraina i ein eigen pressekonferanse for barn onsdag 20. april kl. 12.00.
Framtida Junior skal vera til stades for å stilla spørsmål på vegner av lesarane våre.
Still oss dine spørsmål
Du kan derfor senda inn dine spørsmål i kommentarfeltet under. Så vel me ut nokre av dei som representantane svarar på. Du kan òg senda video med spørsmålet ditt til junior @ framtida.no.
Siste frist for innsending av spørsmål er tysdag, 19. april kl. 15.00.
