Fattige land er taparane i kampen om koronavaksinen

Truleg må mange av dei fattige landa vente til 2023 før dei kjem i gang med vaksinering.

I Noreg og i EU fortvilar politikarar over at korona-vaksinene er forsinka. Likevel gjer vaksinasjonsprogrammet i Europa til at 80 millionar vaksiner er på veg.

Dette er ikkje tilfellet i dei fattigaste landa i verda. Der har nesten ingen fått starte med vaksinering, skriv NRK.

55 dosar og ingen fleire

Det einaste unntaket er Guinea i Vest-Afrika. I slutten av desember i fjor fekk dei 55 dosar av Russland si korona-vaksine.

Men etter desse har det stoppa heilt opp, og ingen i Guinea har fått fleire vaksiner, seier  Edouardo Mathieu ved Oxford Universitetets Our World in Data til Vox.

Ifølgje Our World in Data utgjer dei rikaste landa 16 prosent av menneska på jorda. Likevel har desse landa tilgang til 60 prosent av verdas vaksiner.