I Rogaland har forskarar testa ut dyrking av ei rekkje eksotiske veksthusgrønsaker som butikkane er interessert i å selje, skriv Forskning.no.
Kortreist er meir berekraftig
Aldri har vi ete meir grønnsaker i Noreg enn i dag. Det er godt for helsa vår. Ein del tykkjer også det er spennande å prøve ut meir eksotiske grønsaker.
Dei fleste grønsakene blir importert frå andre land. Mange må reise veldig langt for å kome til Noreg. Det er lite berekraftig når ein tenkjer på klima og miljø. Samanliknar ein med ferske, norske, nyplukka grønsaker, så har desse som regel verken blitt transportert langt eller lagra lenge.
Mogleg å dyrke meir i Noreg
No viser forskarar ved NIBIO Særheim at det er mogleg å dyrke desse nye grønsakene i Noreg. Geo van Leeuwen er avdelingsingeniør i prosjektet.
– Ta til dømes tomatillo. Dette er ei meksikansk buskfrukt som høyrer til familien av tomat og paprika, som ingen tidlegare har forsøkt å dyrke i veksthus i Noreg. Tomatillo brukast mykje i meksikansk mat, fortel han til Forskning.no.
HER ER NOKRE AV GRØNSAKENE SOM ER MED I PROSJEKTET:
