I eit intervju med motemagasinet Vogue fortel den portugisiske fotballstjerna at karrieren nærmar seg slutten.
– Dette er truleg mitt siste år med fotball, og eg har lyst til å etterlata ein spektakulær arv, seier han.
Ronaldo har allereie planlagt kva han skal bruka tida på etter karrieren, skriv NRK.
– Eg har så mange ting å halda på med at det er vanskeleg å berre seia éin ting. Fotballen etterlèt eit så stort hol at ein ikkje kan fylla det med berre éin ting, seier portugisaren.
Har ofra mykje
– Eg har lyst til å ha det meir gøy og reisa meir. Eg har trass alt ofra mykje dei siste 25 åra, held han fram.
Ronaldo har hatt ein av dei største fotballkarrierane i historia. Han har mellom anna spelt for Manchester United, Real Madrid og Juventus. Sidan 2023 har han spelt for Al-Nassr i Saudi-Arabia.
I sommar deltok han i sitt sjette fotball-VM. Ronaldo har tidlegare sagt at han ønskjer å avslutta karrieren med 1000 mål. No står han med 976 mål.
Det var NTB som fyrst omtala saka i Noreg.
Kjem du til å sakna Ronaldo på fotballbana?
Kjem du til å sakna Ronaldo på fotballbana?
