Denne saka vart fyrst publisert i Framtida Junior si systeravis, Framtida.no.
Lovforslaget blir lagt fram for Stortinget innan utgangen av 2026. Om det får fleirtal, kan lova bli innført i løpet av neste år.
Regjeringa vil innføre aldersgrense for å hindre at barn blir påverka av algoritmar og reklame, eller at dei blir «grooma» eller rekrutterte av kriminelle.
Ansvaret for å sikre aldersverifisering, vil bli lagt på selskapa som driv dei sosiale media.
Førebels er det ingen europeiske land som har innført ei aldersgrense i sosiale medium, sjølv om fleire no har varsla at dei vil gjere det.
