Kvart år lager Norsk Kennel Klubb (NKK) statistikk over hunderasane som finst i Noreg.
For 2025 var dei mest populære rasane golden retriever, border collie og labrador.
Slik har det vore i mange år.
– At dei same hunderasane held seg på toppen over tid, tyder på at mange legg vekt på føreseielege eigenskapar og erfaringar. Samtidig er dette hundar med svært ulike behov, og det er viktig at val av hund blir gjort med både livssituasjon og ansvar i mente, seier generalsekretær i NKK, Ingvild Bretten Berg, i ei pressemelding.
