To nordmenn er i topp av Europas beste Pokémon-spelarar

Nordmennene lever begge av å spele Pokémon TCG, men rår andre ifrå å prøve å leve av dette.

Tord Reklev og Emma Hagen er dei to øvst på Europa-rangeringa for Pokémon TCG. TCG står for trading card game, altso er det eit kortspel.

Nyleg har dei begge vore med i ei turnering i USA, Regional Milwaukee. Der kom Reklev på 8. plass. Ifølgje LimitlessTCG var det 2305 spelarar påmeldt.

For plasseringa si fekk Reklev 3000 dollar, som er i overkant av 30 000 kroner. Reklev er ikkje berre rekna som beste spelar i Europa, han er òg rekna som ein av verdas beste spelarar.

KORTSPEL: Pokémon TCG er eit kortspel som, ifølgje Emma Hagen, har eigenskapar frå sjakk, poker og stein, saks, papir. Illustrasjonsfoto: Jarek Tuszyński | Wikimedia Commons

Som å satse på å vinne i lotto

På eit radioinnslag på NRK Nyheiter, seier Reklev at det ikkje er lurt å satse på å kunne leve av dette spelet.

For Reklev og Hagen har det ordna seg. Dei kan leve av å spele kortspelet. Men Reklev har ei åtvaring:

– Det er som å satse på å vinne i lotto, seier Reklev til NRK.