I fleire år har tannlegar og tannpleiarar reist rundt til skular i Guatemala. Dei har delt ut tannkostar og tannkrem, og vist barna korleis dei skal pussa tennene rett. Prosjektet heiter Dental Health Without Borders og er starta av danske tannlegar, skriv Verdens Beste Nyheter.
På mange av skulane hadde nesten alle barna hol i tennene. Heile 95 prosent hadde minst eitt hol, og mange hadde tannverk som gjorde det vanskeleg å konsentrera seg på skulen.
10 000 barn er med
No har situasjonen vorte betre. Barn som pussar tennene kvar dag, har både færre hol og mindre smerter. Dei kan også følgja betre med i undervisninga.
Prosjektet har fått støtte frå Guatemalas utdanningsdepartement, og i dag er rundt 10 000 barn med. Planen er å nå endå fleire barn i åra som kjem.
