Mogleg nytt Picasso-bilete

Ein italiensk skraphandlar fann eit bilete då han rydda ein kjellar på øya Capri i 1962. No kan det vise seg at biletet som sidan har hengt på stoveveggen hans er verdt om lag 70 millionar kroner.

Pablo Picasso
  • Spansk målar og teiknar.
  • Levde får 1881-1973
  • Ein av dei største kunstnarane på 1900-talet.
  • Viste kunstnariske talent allereie som 13-åring

Kjelde: Store norske leksikon.

LES FAKTALUKK FAKTA

No ventar sonen Andrea Lo Rosso (60) på svar på om det er eit ekte Picasso-måleri av høg verdi. Han fortel ifølgje The Guardian at faren ikkje var spesielt kulturinteressert.

Andrea byrja å mistenke at det kunne vere ein Picasso etter å ha lese i eit kunstleksikon.

No meiner ekspertar at biletet kan vere ein ekte Picasso og at det er Picassos signatur. Det skal bli lagt fram for Picasso-stiftinga for endeleg stadfesting.

Biletet vart måla ein gong mellom 1930 og 1936, skriv Dagbladet.