Paul vil ta med seg 200 dyr frå Afghanistan

Briten Paul Farthing, som har drive ein dyrevernsorganisasjon i Kabul, ventar på evakuering i Afghanistan. Med seg har han 200 dyr.

Paul er tidlegare soldat i Royal Marines. Etter at han jobba for det britiske forsvaret i landet, grunnla han organisasjonen Nowzad i Afghanistan. Dette er ein hjelpeorganisasjon for dyr.

Sidan den afghanske regjeringa kollapsa og Taliban tok kontrollen, har han kjempa for å få evakuert staben, familiane deira og 140 hundar og 60 kattar i det han har kalla «Operation Ark».