21-åringen trassa tradisjonen og stilte i ein full kroppsdrakt som dekte både armar og bein. I internasjonale turnkonkurransar har kvinnelege turnarar til no berre dekt til beina av religiøse årsakar, skriv NRK.
For Voss handlar det om å ha det komfortabelt. Det fortalde ho til den tyske kringskastaren ZDF.
– Vi kvinner ønskjer å føla oss vel i vår eigen kropp.
– I turnsporten blir det vanskelegare og vanskelegare etter kvart som du veks ut av barnekroppen. Då eg var liten, syntest eg ikkje tronge gymdrakter var noko problem. Men då eg kom i puberteten og fekk mensen, byrja eg å føla at det stadig vart meir ukomfortabelt, seier ho.
Se dette innlegget på Instagram
