– I Noreg er Premier League veldig stort. For meg har det alltid vore ein draum å spela i den ligaen, og eg har alltid likt korleis Arsenal spelar. Det seier Martin Ødegaard i ei pressemelding frå Arsenal.
Nordmannen skal spela med draktnummer 11 på ryggen i Arsenal, skriv VG.
– På mange måtar er dette ein draum som blir verkelegheit, seier han.
Frå Strømsgodset til utlandet
Det var sommaren i 2015 at Martin Ødegaard reiste til utlandet for å spela fotball for første gong. Då var han 16 år gamal, og meldte overgang frå Strømsgodset til Real Madrid.
Der vart han verande i to år, før han i januar 2017 var på utlån hjå nederlandske Heerenveen. Han har også vore på utlån i klubbane Vitesse og Real Sociedad, før han returnerte til Real Madrid i 2020.
✍️ It's øfficial… ? pic.twitter.com/4eV5gNjK3x
— Arsenal (@Arsenal) January 27, 2021
