Dobla bestand av utryddingstruga sommarfugl på eitt år

Den austlege monarksommarfuglen har i fleire år vore klassifisert som utryddingstruga. No kan situasjonen vere i ferd med å snu.

Som følgje av den austlege monarksommarfuglen sin status som utryddingstruga, har det i aukande grad blitt sett inn tiltak for å ta vare på bestanden.

I løpet av det siste året skal talet på individ av sommarfuglarten ha dobla seg, skriv The Guardian.

Den austlege monarksommarfuglen held til i USA og Canada om sommaren, og reiser til Mexico om vinteren.