Eg heiter Vetle og eg er 11 år. Klimaendringar og forureining er vanskeleg for meg. Vi alle bur på jorda, og då synest eg alle kan tenkja seg om.
Forsøpling
Det er folk som hivar søppel over alt, og det er dårleg for naturen. Havet blir plast for vi hiver alt for mykje søppel og det bles ned til sjøen. Når dyra et søppel, og då dør dei og det er ikkje bra. Same med plast i graset på gardar. Det kjem inn i maten til dyra og då dør dyra og då får ikkje vi mat – og då dør vi. Verda vår treng at dette stoppar no.
Dette er noko dei som styrer kan gjera noko med. Fleire søppeldunkar og mindre kasting av det vi har.
Klimaendringar
Verda rasar snart saman og blir til ørken. Det er noko vi kan og må gjera noko med.
Olje og gass er avgjerande for å dekka energibehovet og energitryggleiken i Europa. Løysninga må vera at vi finna andre kjelder for å dekka energibehovet, for det er ikkje særleg miljøvennleg å driva med olje- og gassproduksjon. Vindkraft og andre fornybare energikjelder er mijøvennlege og er det vi bør satsa på i framtida. Krisa blir stor, og verden vår treng at dette stoppar no.
