Gepard
- Utbreiing: Afrika og Iran
- Leveområde: Savanner, busklandskap og halvørken
- Føde: Antiloper, vortesvin, fuglar og harar
- Vekt: 21-72 kilo
- Levealder: 6-12 år
- Topphastigheit: 112 km/t (verdas raskaste pattedyr)
Kjelde: Dyreparken i Kristiansand
LES FAKTALUKK FAKTA
Gepardane i Dyreparken i Kristiansand er ein del av eit program der målet er å ha ein sunn bestand med gepardar som ein reserve for framtida.
No er gepardhunne Cannelle drektig. Dette var inga sjølvfølgje, då det kan vere vanskeleg å få gepardar til å pare seg, sidan dei er kresne når dei skal velje partnar.
Tre små
– Vi tok nyleg røntgenbilde av Canelle og vi kan bekrefte at ho ventar minst tre ungar, fortel veterinær Rolf-Arne Ølberg i ei pressemelding.
Det vil truleg bli fødsel innan nokre dagar.
Canelle er fem år gamal og kom frå ein dyrepark i Frankrike til Kristiansand i 2021. I tillegg til ho er det tre andre gepardar i Dyreparken.
