Å sjå på ei maurtue på nært hald er ein spennande og lærerik aktivitet. Ved å studera mauren kan du læra mykje om naturen. Mauren er mest aktiv om våren og sommaren, og går i dvale om hausten og vinteren.
Slik gjer du:
1. Først må du finna ei maurtue. Dei finn du ofte i skogen, i hagar eller andre grøne område. Maurtuer kan variera i storleik, frå små haugar til store, imponerande tuer.
2. Når du nærmar deg maurtua, er det viktig å vera roleg og stille. Maur reagerer på vibrasjonar og rørsler, så prøv å ikkje skremma dei.
3. Eit forstørringsglas kan vera til stor hjelp når du observerer maur. Dette gjer det lettare å sjå dei små detaljane, som til dømes korleis maurane ser ut, og kva dei gjer. Du kan sjå dei bera mat, bygga på tua eller kommunisera med kvarandre.
4. I ei maurtue finst det ulike typar maur med forskjellige oppgåver. Du kan prøva å sjå etter arbeidarmaur, soldatmaur og kanskje til og med dronninga. Arbeidarmaur er dei som går ut og hentar mat, medan soldatmaur forsvarar tua. Dronninga held seg oftast inne i tua og legg egg.
5. Sjå etter stiane som maurane brukar for å gå inn og ut av tua. Dei kan vera fleire meter lange! Følg ein av desse stiane med auga og sjå kor maurane går for å finne mat eller byggjemateriale.
6. Unngå å røra ved tua eller forstyrre maurane meir enn nødvendig. Hugs at dette er heimstaden deira, og me er berre gjestar som får lov til å sjå.
Kjelder: SNL, KFUM-speidarane.
Videoen øvst i saka er henta frå YouTube og lagt ut av John Sandøy.
