Oppskrift: Koreansk vassmelondessert

Prøv denne forfriskande desserten frå Sør-Korea.

På koreansk heiter denne retten subak hwachae.

Dette treng du:

  • 1 vassmelon
  • Mjølk
  • Sprite
  • Fruktcocktail
  • Isbitar
Viss du ikkje liker mjølk, kan du lage desserten utan. Foto: Synne Ulltang

Slik gjer du:

  1. Skjer vassmelonen i to.
Den andre halvdelen kan du legge i kjøleskapet. Foto: Synne Ulltang

2. Grav ut innhaldet i den halve vassmelonen. Viss du har ei rund iskremskei eller liknande, kan du bruke det for å få runde bitar. Det er ikkje så farleg om ikkje alle bitane blir like fine.

Viss ikkje du har ei rund skei, kan du bruke ein kniv og skjere firkanta bitar ut av melonen. Foto: Synne Ulltang

3. Når du har tatt ut alle bitane frå melonen, har du fått ei melonskål.

Du kan skjere eit mønster på kanten av melonskåla viss du vil. Foto: Synne Ulltang

4. Putt alle melonbitane tilbake i melonskåla. Legg til litt av fruktcocktailen.

Du kan også bruke bær eller andre frukter som du liker. Foto: Synne Ulltang

5. Tøm oppi litt av mjølka og litt av Sprite-brusen.

Du kan bruke så mykje eller lite av mjølk og brus som du liker. Foto: Synne Ulltang

6. Avslutt med isbitar. Bland alt saman og nyt!

Desserten bør nytast med ein gong han er laga. Foto: Synne Ulltang
Du kan servere desserten i små skåler. Foto: Synne Ulltang