Slik lagar du vikingbrød

På gardane hadde vikingane kornåkrar, kjøkenhagar, urtehagar og mange ulike husdyr som gav dei matvarer som til dømes kjøt, egg, mjølk, ost og smør.

– Me et gjerne brenneslesuppe og flatbrød. Eller nøtter, fortel Brynhild.

– Eg likar å laga eple med honning og bacon. Det er så godt!, fortel mamma Marie.

VIKINGBRØD: Marie lagar vikingbrød på gamalt vis. Foto: Privat

Noko familien gjer ofte, er å laga vikingbrød. Her er deira oppskrift: 

Du treng: 

1 kilo mjølblanding. Du kan blanda både bygg, rug, kveite og spelt

½ liter kulturmjølk

Slik gjer du:

  1. Bland saman mjøl og kulturmjølk og la det stå i nokre timar. Gjerne 4–5 timar eller over natta.
  2. Deretter lagar du små, runde og flate brød. 
  3. Steik dei på grillen eller over bålet på begge sider til brødet er gjennomsteikt.
  4. Kos deg! Brødet smakar ekstra godt med smør eller honning på!