Nyleg kom UNICEF med Children’s Climate Risk Report – ein rapport som ser på kva klimautfordringar barn i verda barn står overfor.
Rapporten viser at barn over heile verda opplever utfordringar som kjem som følgje av klimaendringar. Dette er mellom anna hetebølgjer, stormar, flaumar og tørke, skriv The Guardian.
Til dømes fører tørke til at det blir vanskelegare å dyrke jord og få tilgang på mat. Stormar fører til øydeleggingar på heimar, skular og helsetenester. Hetebølgjer er ein stor risiko for barn si helse og evne til å lære.
Over ein milliard barn – halvparten av alle barn i verda – opplever minst tre av klimautfordringar likt. Nesten alle barn i verda opplever minst ei utfordring.
Hovudfunn i rapporten
- Om lag eitt av sju barn – 337 millionar – bur i område som er påverka av flaum.
- Eitt av fire barn – 1,8 milliardar – bur i område som er påverka av tørke.
- 662 millionar barn bur i område prega av tropiske stormar, som inneber intenst regn og sterk vind.
- Nesten to av tre barn – 1,5 milliardar – bur i område som er påverka av hetebølgjer.
- 206 millionar barn bur i område der det ofte er skogbrannar
