Forskarane er ikkje heilt samde om kva som er hovudgrunnen til at sjiraffen har utvikla ein lang hals. Nokon meiner det er for at sjiraffen skal nå lauva høgt oppe i trea, andre at det er for å sjå rovdyr på lang avstand.
No har forskarar også funne ut at det lønner seg å ha lang hals når ein sjiraff skal slåst, skriv Ung.Forskning.no.
17 millionar år gamle fossil
Kinesiske forskarar har nemleg undersøkt ein av forfedrane til sjiraffen. Nordvest i Kina fann dei fire sjiraff-fossil som er 17 millionar år gamle. Denne tidlege sjiraffen, kalla Discokeryx xiezhi, har eitt stort horn.
-
GIF: Giphy.com
Dette kraftige hornet, saman med solide nakkevirvlar, er perfekt for kamp, meiner forskarane.
Ikkje for gøy
– Sjiraffar slåst ikkje for gøy. I naturen slåst dei slik når dei møter nye hannar og når dei parar seg, seier biolog Helene Axelsen til Ung.Forsking.no.
Det gamle sjiraff-fossilet bekreftar at nakke- og hovudkamp var ein viktig grunn til at sjiraffane fekk lang hals, meiner forskarane bak den nye studien.
