Lag ein papirrakett ala ViteVero

Her får du framgangsmåten for å laga ein papirrakett. Lukke til!

Illustrasjon: Colourbox, Kollasj: Framtida Junior

Dette treng du:

  • 2 papirark
  • Teip
  • 1,5 liters flaske

Les også: Veronica (27) lever av å laga kule eksperiment – men ein dag gjekk det gale

Framgangsmåte:

1. Rull saman det eine arket og fest med teip, slik at det formar eit røyr. Røyret må vera lite nok til å få plass inne i flaskeopninga.
2. Dytt enden av papirrøyret inn i flaskeopninga, og fest med teip. Pass på at det blir lufttett.
3. Rull saman det andre arket til eit nytt røyr, som er litt større enn det første. Dette er raketten.
4. Brett inn den eine enden av raketten og fest med teip for å gjera enden lufttett.
5. Tre raketten rundt det første papirrøyret.
6. Hald i papirrøyret for å sikta, og tramp på flaska. Luftmolekyla i flaska vil pressast ut av flaska, gjennom røyret og til slutt skyve raketten framover.

Det er ekstra artig viss du pyntar raketten din med fine fargar og gir den eit namn!