– Me reknar med å gjera store endringar på Instagram og Facebook dei neste åra for å fortsetja å bevega oss meir mot videoinnhald, og gjera Reels til ein meir sentral del av opplevinga vår.
Det sa Facebook-sjefen Mark Zuckerberg i ein investorpresentasjon denne veka, skriv tek.no.
Les også: Facebook stoppar barneversjon av Instagram
Kjem til å ta lang tid
Han peika på at konkurransen frå andre appar som mellom anna TikTok og Snapchat, gjer at dei no må gjera meir for å vinna kampen om dei unge vaksne – sjølv om det kjem til å gå ut over dei eldre brukarane.
I tillegg til å gjera endringar som kjem til å merkast frå brukarane si side, kjem dei også til å gjera interne endringar – der dei vil «justera» seg for å nå målet.
Dette er ei endring Zuckerberg meiner kjem til å ta år og ikkje månader.
