Dinosauren «Big John» blei selt for 65 millionar kroner

Verdas største Triceratops-skjelett gjekk nyleg under auksjonshammaren i Paris. Skjelettet med kallenavnet «Big John» er anslått å vera 66 millionar år gammalt og er åtte meter langt.

Det var ein amerikansk samlar som sikra seg beinrestane. Samlaren betalte heile 6,6 millionar euro – det er det same som 65 millionar norske kroner, skriv NRK.

Salssummen vart langt over det ekspertane hadde forventa. Dei trudde nemleg at nokon ville betale 1,5 million euro for skjelettet.

– Det er ny rekord i Europa, seier auksjonarius Alexandre Giquello ved det franske auksjonshuset Drouot til nyheitsbyrået Reuters.