Kvart år puttar kvar nordmann i seg omkring 80 kilo grønsaker, syner tal frå Helsedirektoratet. Men sjølv om vi blir stadig flinkare til å ete grønt, så er det berre 1 av 5 som får i seg så mykje som helsestyremaktene tilrår.
– Hovudgrunnen til å ete grønsaker er at det er veldig førebyggande mot sjukdom, seier Henriette Øien, avdelingsdirektør i Helsedirektoratet, til NRK.
Men kva grønsaker er dei aller sunnaste?
Det har NRK Forbrukerinspektørene spurt nokre av våre aller fremste spesialistar innan ernæring om.
KÅL:
![](https://framtidajunior.no/wp-content/uploads/2018/10/cabbage-1850722_1920-300x200.jpg)
Kål er noko av det sunnaste vi kan ete, og kvar og ein av dei har ulike eigenskapar.
– Grønkål peiker seg kanskje ut som den aller sunnaste kålen. Den er mest næringstett og har høgast innhald av vitamin og mineral, seier ernæringsfysiolog Lise Von Krogh.
LAUK:
![](https://framtidajunior.no/wp-content/uploads/2018/10/food-1239423_1920-300x163.jpg)
Lauken kan få oss til å grine, men det er det nok verdt. Denne grønsaka har nemleg gode førebyggande eigenskapar. Spesielt gjeld dette kvitlauk.
GRØN SALAT:
![](https://framtidajunior.no/wp-content/uploads/2018/10/salad-2114149_1920-300x200.jpg)
Her kan man fråtse i alt ifrå vanlege salatar til spinat, og fordelane er mange. Grøn salat er ei kjelde til vitamin K, C, folat og mineralet kalium, samt sunne plantestoff og antioksidantar.
GULROT:
![](https://framtidajunior.no/wp-content/uploads/2018/10/carrots-2387394_1920-300x152.jpg)
Oransje grønsaker er veldig rike på betakaroten som ein viktig antioksidant. I tillegg er den rik på kostfiber og ei kjelde til kalium og vitamin A.
(Kjelde: NRK Forbrukerinspektørene)