Målet for Akvariet i Paris er at gullfiskane skal få ein ny sjanse i livet, skriv NRK.no.
Gullfisk, «Carassius auratus», er ein karpefisk som kan leve i opp til 20 år.
I ein vanleg gullfiskbolle med plass til fem til ti liter vatn, så lever fisken ofte i berre to eller tre år. Og det er viss fisken får godt stell.
Dette er mishandling av gullfisk, meiner Akvariet i Paris.
– Gullfisk treng minst hundre liter vatn, nokon å vera saman med, litt dekorasjon og eit godt filtersystem for vatnet, seier leiar for Akvariet i Paris, Alexis Powilewicz til Reuters.
– Det er veldig viktig. Får den ikkje dette, så er den lei seg. Den blir faktisk mishandla, seier Powilewicz.
Akvariet ber folk om å komme til dei med gullfiskane sine.
Sel glasbollar i Norge
Små gullfiskbollar er framleis til sal i Noreg. Det er mange annonser på Finn.no.
Dei store akvariebutikkane som NRK har undersøkt, tilbyr ikkje slike bollar.
