– Så kjekt! Tusen takk!! No blir dei glade, fortel lærar Karoline Birch Berglyd, som er på sommarferie. Klassen byrjar i 7. klasse til hausten, og premien på 1000 kroner kjem godt med når dei skal på klassetur.
Juryen skriv:
«Klassen har levert ei rik og variert vifte av aktivitetstips, favorittplassar, gode sommarminne, drøymeferiar og favorittoppskrifter. Elevane har jobba godt, byr på seg sjølve og er fullt fortent vinnarar av skrivekonkurransen – i konkurranse med fleire klassar over heile Noreg. Juryen håpar mange blir inspirerte av alle tipsa og sommarfavorittane som kjem Framtidajunior.no i vekene framover!»
