Kva er det å vera snøblind?
- Om sterk sol brenn bort det øvste cellelaget på auga, vert du snøblind.
- Det kjennest som du har sand eller rusk i auga. Men du får det ikkje bort.
- Tårene renn og det er vondt å sjå i lyse omgivnader.
- Mange har sterke smerter i auga.
- Nokon får uklårt syn, medan andre ser ting dobbelt.
LES FAKTALUKK FAKTA
– I år er det snø i mykje større delar av landet enn det som er vanleg på denne tida. Dermed er det ikkje berre på fjellet ein må beskytte seg mot UV-stråling, men også i låglandet, seier forskar Terje Christensen i Statens strålevern i ei pressemelding.
Lett skydekke og snødrev kan gi sterkare stråling enn klarvêr, skriv Nynorsk Pressekontor.
Bruk solbriller
For å redusere risikoen for å bli snøblind, kan du leggje skituren til morgon eller kveld. UV-strålinga er vanlegvis sterkast mellom klokka 11 og 15 på dagen.
Men det viktigaste tiltaket mot å bli snøblind er å bruke solbriller.
Dersom du skulle bli snøblind, kan du trøyste seg med at det går over. Men dersom problema er store, bør du ta kontakt med lege.
