Den 33. utgåva av Donald Duck & co., som kom ut i august, vart noko litt utanom det vanlege. Då var det nemleg 14 år gamle Berit Marie Thorsen Stokkeland som var gjesteredaktør i bladet.
Kva inneber det å vere Donald-redaktør?
Berit Marie har laga si eiga Donald-historie, vald ut historier, intervjua og laga saker, redigert, oversatt og funne vitsar til bladet, ifølge ei pressemelding frå Egmont Publishing.
AND-tastisk
Berit Marie synest det har vore kjempegøy å jobbe i Donald.
– Det er heilt AND-tastisk! Det har vore ein draum som gjekk i oppfylling. Eg har også lært mykje og sett at det kan vere veldig gøy å ha ein jobb, seier ho i pressemeldinga.
Imponert redaktør
Det er andre gongen ein lesar fekk prøve seg som redaktør.
Marius Horn Molaug, som er redaktør i bladet til vanleg, seier at han er veldig nøgd med innsatsen til Berit Marie.
– Eg er mektig imponert over alt ho har fått til, energien hennar, all kunnskapen og det svært kloke hovudet (sjølv utan å bruke tenkehetta til Petter Smart). Eg har allereie byrja å tenke på pensjonisttilvêret, seier han i pressemeldinga.
