Det går mot ei endring av flagglova slik at ein får lov til å heise Pride-flagget medan det går føre seg lokale arrangement. Då blir det lovleg å heise Pride-flagget på alle kommunale flaggstenger, melder Norge i dag.
Hittil har ein berre hatt lov til å heise det norske og det samiske flagget, i tillegg til kommune- og fylkesflagg, på offentlege flaggstenger.
Ei endring i lova vil gjere at det blir mogleg å bruke andre flagg i «arrangement, markering eller merkedag av allmenn interesse». Dette gjeld òg FN-flagget.
Forslaget vart lagt fram av statsråd Nikolai Astrup (H) i fjor sommar. No er det bestemt at saka blir behandla på Stortinget 25. mai.
