FAKTA: Om Universal
- Universal Destinations & Experiences er underhaldningsparkeininga til NBCUniversal.
- Universal har hovudkontor i Orlando, Florida.
- Selskapet driv Universal temaparkar og ferieanlegg rundt om i verda.
- Dei driv for tida seks temaparkar globalt:
- Universal Studios Florida – Orlando, USA
- Universal’s Islands of Adventure – Orlando, USA
- Universal Studios Hollywood – Los Angeles, USA
- Universal Studios Japan – Osaka, Japan
- Universal Studios Singapore – Sentosa, Singapore
- Universal Studios Beijing – Beijing, Kina
- I tillegg planlegg selskapet å opna to nye parkar: Universal Epic Universe – Orlando, USA, med opning planlagt til 22. mai 2025 og Universal Studios UK – Bedfordshire, England, med forventa opning i 2031
(Kjelde: Wikipedia)
LES FAKTALUKK FAKTA
No planlegg det store medieselskapet å byggja ein kjempestor temapark rett utanfor London, i ein stad som heiter Bedford, skriv NRK.
Ifølgje selskapet skal parken bli så fantastisk at dei ventar at 8,5 millionar menneske vil besøkje han det første året. Det er nesten like mange som besøkjer Disneyland i Paris.
Statsminister Keir Starmer i Storbritannia, som har prøvd å gjera investeringar lettare i landet, seier at denne investeringa vil gjera at Bedford får ein av dei største underhaldningsparkane i Europa.
Før parken kan opna, må han berre få grønt lys frå styresmaktene.
