Skriv ein tekst eller lag ein teikneserie om korleis du ser for deg heimplassen din i år 2050. Kva trur du vil forandra seg frå korleis heimplassen din er i dag? Og kven må ta ansvar for at heimplassen din skal vera best mogleg i framtida?
Du kan velja å skriva eller teikna om eitt av fire tema:
1. Natur og klima: Korleis trur du naturen og klimaet vil endra seg? Kva håpar du kan skje? Kven meiner du har ansvaret for at det skal skje?
2. Transport: Korleis vil skuleelevar koma seg til skulen i framtida? Kva transportmiddel vil me bruka i det daglege – og når me skal på ferie?
3. Arbeid: Kva nye yrke vil me trenga i framtida? Kva trur du folk vil jobba med på heimplassen din i framtida? Kva håpar du at du kan jobba med, og kvifor?
4. Skule: Korleis trur du skulen vil vera i framtida? Kva er det viktig at elevane lærar i framtida? Og kven har ansvaret for at skulen skal bli best mogleg?
Du kan la deg inspirera av tekstane i Tid for ti 2025, der finn du mange ulike måtar å fortelja på.
Du kan laga det som ein faktatekst, eit lesarinnlegg eller ei historie frå framtida – alle sjangrar er velkomne!
Krav:
– Teksten må vera mellom 100 og 400 ord.
– Teksten må vera på nynorsk for å bli med i trekkinga av premiar. Om ikkje alt er rett, så går det fint! Me hjelper til med rettskrivinga på dei tekstane som blir publiserte!
Frist: 21. februar 2025
Vinn fine premiar
Dei beste bidraga blir publiserte i Framtida Junior. Me plukkar òg ut fleire bidrag som får t-skjorte og abonnement på papiravisa Framtida junior i to månader og bokpakke frå Foreningen !les. Den beste klassen med flest gode tekstar og teikneseriar får 2000 kroner i premie.
Tips
Her finn du tips til å skriva lesarbrev!
Innsending
Send teksten kopiert inn i ein e-post til framtidajunior@gmail.com og petra@foreningenles.no. Det går òg an for læraren å senda alle tekstar frå klassen samla.
Skriv «Skrivekonkurranse 2025» i emnefeltet. Hugs namnet ditt og kva slags skule du går på.
Konkurransen er eit samarbeid mellom Framtida junior, leseaksjonen Tid for ti i regi av Foreningen !les og Klimafestivalen junior. På tidforti.no kan du lese utdrag frå fleire gode bøker.
