Du har nok heilt sikkert høyrt mange mytar om puberteten og om kroppen – «fakta» som eigentleg ikkje er heilt rett.
Her kan du kanskje få svar på nokre av mytane som blir sagt om puberteten.
1: Det er berre gutar som får auka hårvekst i puberteten
Det er feil!
Også jentene får meir hår i puberteten.
2: Alle kjem i puberteten samtidig
Det er feil!
Det er heilt forskjellig når ein kjem i puberteten. Nokre kan komma i puberteten veldig tidleg, medan for andre kjem den seinare.
3: Alle veks mykje i puberteten
Det er feil!
Nokre veks mykje, andre veks lite.
4: Kviser betyr at du er dårleg på hygiene
Det er feil!
Det å vaska og rensa huda før mykje, kan faktisk vera med på å forverra kviser.
5: Det er berre gutar som gjennomgår stemmeskifte
Det er feil!
Jenter går gjennom stemmeskifte også, men det skjer meir gradvis og er ikkje like lett å høyra.
6: Alle synest puberteten er vanskeleg
Det er feil!
Det er mange som synest puberteten er gøy og spennande. Andre derimot, kan synast at endringane som skjer i kroppen er vanskeleg.
7: Det er normalt å ha så sterke mensensmerter at ein kastar opp og ikkje kan gå på skulen
Både og.
For nokre er veldig smertefullt å ha mensen, men det er ikkje slik det burde vera. Viss du har det slik når du har mensen, burde du snakka med ein helsesjukepleiar eller lege for å få hjelp.
