NASA-astronautane Shannon Walker, Victor Glover og Michael Hopkins har saman med Japan Aerospace Exploration Agency-astronaut Soichi Noguchi vore på den internasjonale romstasjonen sidan november 2020, skriv cbc.ca.
2. mai landa dei i Mexicogolfen like før klokka 03.00 på natta. Flytida frå den internasjonale romstasjonen til Jorda tok berre 6,5 time.
Berre ein gong tidlegare har det vore ei tilsvarande landing midt på natta. Det skjedde i 1968, då Apollo 8 returnerte til Jorda.
Henta astronautane frå havet
Infraraude kamera følgde kapselen til astronautane då han kom inn i atmosfæren til Jorda. Den såg ut som ei lys stjerne som strakk seg gjennom nattehimmelen.
Innan ein halv time etter landing i Mexicogolfen, vart kapslen – som likna ein gigantisk marshmallow etter å ha blitt herja med då den braut gjennom atmosfæra til Jorda – heisa på eit skip.
Michael Hopkins var den første astronauten som kom ut av kapselen. Han dansa ein liten dans for å feira at ferda gjekk fint. Like etter fekk astronautane ein medisinsk sjekk og hoppa deretter på eit helikopter som tok dei inn til land.
