Taipei 101 er ein av verdas høgste bygningar. Skyskraparen ligg i Taipei i Taiwan og har fått namnet sitt fordi han har 101 etasjar over bakken.
Søndag 25. januar klatra amerikanaren Alex Honnold opp den 508 meter høge bygningen. Han hadde ikkje med seg anna enn ein pose med kalk for å få betre grep. Det gjer at han er den første vi veit om som har klatra Taipei 101 utan tau eller sikkerheitsnett, skriv CNN.
Klatreturen tok ein time og 31 minutt. Netflix filma det heile. Etter klatreturen sa Alex Honnold at han håpte folk som såg på blei inspirerte til å følge sine eigne utfordringar eller mål.
