Myanmar vart råka av eit kraftig jordskjelv

Fredag førre veke vart Myanmar råka av eit kraftig jordskjelv. Skjelvet som skjedde like utanfor byen Mandalay hadde ein styrke på 7,7, og er det kraftigaste skjelvet i Myanmar på eit hundreår.

Ifølgje den statlege nyheitskanalen MRTV er over 3000 døde som følgje av skjelvet, og meir enn 4600 er skadde, skriv NTB.

Onsdag kunngjorde militærjuntaen som styrer Myanmar ei våpenkvile fram til 22. april. Våpenkvila skal sikre at naudhjelp kjem fram og bidra til oppbyggingsarbeidet. Våpenkvila gjeld mot væpna grupper som motset seg militærjuntaen sitt styre.