Turneen – som har fått namnet Moment Tour – startar i Herning i Danmark 9. februar. Så reiser tvillingane til København, Helsinki, Stockholm, Berlin, Oslo, Hamburg, Düsseldorf, Stuttgart, Wien og Zürich.
Livets største augneblink
I 2016 vart dei kåra til Årets spellemann, og dei er begge einige om at det er den største augneblinken i livet så langt.
– Det var heilt fantastisk, og uverkeleg! Tenk at me vann prisen som 14-åringar. Me er utruleg takknemlege for det, seier Marcus til Framtida Junior.
Viktig skule
Stadige singlar, to album, turnéar, intervju i avis og TV, elleville kjøpesentersigneringar og konsertar for titusenvis av fans. Salg av merchandise, bokbiografien Vår historie, eigen TV-serie og dokumentarfilm. Alt før fylte 15 år.
Kva er det som har gjort dette mogleg å få til?
– Me jobbar mykje, og me likar det. Det er spanande å sjå kva me får til, og det gir oss motivasjon til å stå på vidare. Så har me skule i tillegg, og den er viktig for oss, seier Martinus.
Fakta om tvillingbrørne
Marcus
- Likar Manchester United og Zlatan er favorittspelaren
- Elskar å vera heima i Trofors, men elskar også å reise til Thailand.
- Likar Justin Bieber, både musikken og kleda hans.
- Vert flau når eg ser gamle bilete av meg og Martinus.
- Min favorittfarge er raud.
- Verdas beste godteri er frå Sverige.
- Draumejenta mi må vera snill. Og det er viktig at ho ikkje vert sjalu når me reiser og møter fans.
Martinus
- Eg er litt meir perfeksjonist enn Marcus.
- Eg elskar å komme med veldig dårlege spøkar. Ofte er det berre eg som ler.
- Min favorittplass i verda er Trofors.
- Eden Hazard er min favorittspelar, og Chelsea er laget mitt.
- Eg spelar litt piano, og likar å lære om å skrive og produsere musikk.
- Eg vert nesten aldri nervøs. berre av og til når me opptrer LIVE på TV-show.
- Mi draumejente er ein oppriktig og fin person. Og søt!
(Kjelde: marcusandmartinus.com)
