Afrikansk elefant
I Afrika finst det to artar elefant: Savanneelefant og skogselefant. Begge desse artane er utryddingstruga, men skogselefanten står i endå meir fare enn savannelefanten. Noko av det som trugar dei afrikanske elefantane er tørke, ulovleg jakt og turisme.
Moldvarpsalamander
Axolotl, også kalla moldvarpsalamander, tilhøyrer ambifibiefamilien (i likheit med frosk og firfisler). Moldvarpsalamanderen finn vi i Mexico og arten held til i ferskvatn og landområda rundt. Arten er mellom anna truga av utbygging av veg og bygningar, ulovleg jakt og forureining. I dag er det ein stad mellom 50 og 1000 vaksne individ av denne arten.
Dovendyr
Dvergdovendyr med tre tær er ein alvorleg trua dovendyrart. Arten held til i skogen på øya Isla Escudo de Veraguas. Øya ligg i Det karibiske hav, rett utanfor kysten til Panama. Dvergdovendyret med tre tær er alvorleg utryddingstruga grunna avskoging og at folk fangar arten for å ha han som kjeledyr.
Flaggermus
Flaggermusarten sardinsk langøyra flaggermus held til i skogen og i grotter på den italienske øya Sardinia. Noko av det som trugar denne arten er turisme, tørke og høge temperaturar. Det er omtrent 150 vaksne individ av denne arten i dag.
Hammerhai
Hammerhaien held til i kystområde i dei varmaste delane i verda, til dømes i havet utanfor Hawaii, India og dei nordlege delane av Australia. Det som først og fremst gjer hammerhaien alvorleg utryddingstruga er fiske.
Spissnashorn
Nashornarten spissnashorn finn vi på savannen, i krattskog og i ørken i store delar av Afrika. Spissnasornet har status som alvorleg utryddingstruga, men bestanden er faktisk aukande. I dag er det rett over 3000 vaksne individ av arten. Dei største truslane for spissnashornet er ulovleg jakt, sjukdommar og krig og uro.
Orangutang
Orangutang er den største apa i verda. Dei lever i regnskogen på øyane Sumatra og Borneo i Søraustasia. Avskoging og ulovleg fangst og jakt er blant årsakene til at desse apane er alvorleg utryddingstruga.
Kamel
Det er omtrent 950 ville kamelar i verda i dag. Dei lever i ørkenen i Kina og Mongolia. Det som mellom anna trugar den ville kamelen er ulovleg jakt og fangst og utbygging av industri og jordbruk.
Skjelpadde
Havskjelpaddearten karett har sitt habitat i store delar av verdas hav, men ikkje i dei kaldaste områda slik som langs norskekysten. Noko av det som gjer at karetten er alvorleg utryddingstruga er klimaendringar, forureining og fisking.
Pangolin
Pangolin er ei skjeldyr, som vil seie at det meste av kroppen deira er dekt av skjel. Filippinsk pangolin (på bildet) lever i skog og krattskog på Filippinane. Denne pangolinarten er alvorleg utryddingstruga mellom anna grunna avskoging og ulovleg jakt og fangst.
