Greta Thunberg vert hylla med eige frimerke

Den svenske klimaaktivisten er ein del av den nye frimerkekolleksjonen Värdefull Natur.

14. januar lanserte svenske PostNord sine nye frimerke, der illustratør Henning Trollbäck hyllar svensk natur. Det skriv Framtida.

Klimaaktivist Greta Thunberg (18) er den einaste personen som får æra av å vere portrettert i serien Värdefull Natur.

Greta Thunberg (18) er den einaste personen som har fått plass i frimerkeserien som heidrar svensk natur. Illustrasjon: Henning Trollbäck, PostNord

I ei pressemelding seier Stina Olofsdotter i PostNord Frimärken at valet om å fokusera på miljø kjennes sjølvsagt for den tida me lever i.

– Greta, med fleire viktige naturillustrasjonar blir frimerkesymbol for den verdifulle naturen me har og det viktige arbeidet me alle må gjera dagleg for å behalda vår natur for generasjonar framover.