INDIA: Indiske barn spring rundt med plakatar av den nyvalde amerikanske visepresidenten Kamala Harris ved eit tempel i Thulasendrapuram. Dette er heimbyen til morfaren til Kamala Harris, og ligg sør for Chennai.
Folk feira valsigeren med fyrverkeri, plakatar og bøner.
Joe Biden og Kamala Harris vann presidentvalet 3. november 2020, og Kamala Harris vart då valt til USAs første kvinnelege visepresident. Ho vart samtidig den første indisk-amerikanske og asiatisk-amerikanske visepresident.
Harris har indisk mor og jamaicansk far. Mora, Shyamala Gopalan (indisk-tamilsk frå Madras), var kreftforskar og menneskerettsaktivist, og faren, Donald J. Harris, er økonom og professor emeritus ved Stanford University. Kamala Harris voks opp i Berkeley og har ei yngre søster, Maya Harris.
Harris skriv i sjølvbiografien sin at ho forstår litt tamilsk.
