Beintøffe barn gjekk 28 gongar rundt jordkloden

Noregs største gå-til-skulen-aksjon er over for i år. 46.000 elevar gjekk over 1 million kilometer i løpet av september.

Formålet med aksjonen “Beintøft” er å reise miljøvenleg til skulen. Det er Miljøagentane som står bak aksjonen.

Denne aksjonen er med på å få minke forureininga, betre lufta, minke CO2-utslepp og gjere områda rundt skulen tryggare.

– Over 46.000 barn har delteke i årets Beintøft. Det er heilt fantastisk, seier kommunikasjonsansvarleg Rasmus Norsted i Miljøagentane.

Fleire vinnarar

6B ved Stangeland skole i Sandnes (Rogaland) gjekk av med sigeren og vann heile 30.000 kroner.

I tillegg fekk desse klassene premie på 5.000 kroner.

  • 3. klasse ved Røsvik skole, Sørfold (Nordland)
  • 1. klasse ved Midtbygda Oppvekstsenter, Sør-Fron (Oppland)
  • 5. klasse ved Håvik skole, Karmøy (Rogaland)
  • 6A ved Buøy skole, Stavanger (Rogaland)
  • 2. klasse ved Kolset Oppvekst, Bremanger (Sogn og Fjordane)
  • 7B Steindal skole, Trondheim (Trøndelag)
  • 4B ved Sky skole, Larvik (Vestfold)

LES OGSÅ: #5forkvalen