Forskarar frå City College of New York har funne ein måte å bruke diamantar til lagring av data, skriv Live Science.
– Me er den fyrste gruppa som viser at det er mogeleg å bruke diamantar til datalagring, seier Siddharth Dhomkar, som er fysikar ved City College of New York.
Toler ikkje sol
Det er ein enorm etterspurnad etter nye måtar å lagre data på. Difor er forskarane svært spent på om dei klarar å få endå meir ut av diamanten enn dei allereie har gjort, skriv Forskning.no
No har dei fått ein diamant som er tynnare enn eit papirark til å romme hundre gongar meir informasjon enn ein DVD. No vil dei prøve å gange dette talet med ein million.
Håpet er at diamantane kan lagre data til evig tid. Men om diamanten vert utsett for sollys, forsvinn alt som er lagra.
