Onsdag 17. desember blei urfolket lumbee anerkjent som ein stamme i USA. Det skriv AP.
USA har 574 stammar som er anerkjente av staten. Det vil seie at dei er godkjente som offisielle urfolk.
Sidan 1980-talet har urfolket lumbee i delstaten Nord-Carolina forsøkt å bli ein del av dei offentlege anerkjente stammane.
No får stammen fleire fordelar. Dei kan til dømes bruke helsetenester for urfolk, og dei får meir kontroll over økonomien på landområde dei har.
Det betyr mykje for lumbee-folket.
– Vi har vore andrerangs urfolk, men det vil vi aldri vere igjen, og ingen kan ta det frå oss, sa leiaren for stammen John Lowery, ifølge AP.
