Summer (18) sette tre verdsrekordar i symjing på éi veke

Symjestjerna Summer McIntosh frå Canada har gjort noko heilt utruleg. På berre éi veke sette ho tre verdsrekordar i symjing.

Onsdag sumde ho 400 meter medley (ei tøff øving med fire ulike symjestilar) på tida 4 minutt og 23 sekund. Det er raskare enn nokon har gjort før.

Tidlegare i veka sumde ho også kjempefort på både 400 meter og 200 meter, og slo gamle rekordar der òg, skriv NRK.

Summer vann tre OL-gull i Paris i fjor.