DR Kongo fekk vaksinar mot m-koppar

Torsdag kom dei fyrste vaksinane mot m-koppar til Den demokratiske republikken Kongo. Landet har strevd med utbrotet av sjukdommen som Verdas Helseorganisasjon (WHO) har erklært ei global helsekrise.

M-koppar
  • Også kalla mpox og tidlegare kalla apekoppar
  • Smittsamt og dødeleg virus
  • Store utbrot i ei rekkje afrikanske land no
  • Ikkje grunn til bekymring blant nordmenn

Kjelde: Folkehelseinstituttet

LES FAKTALUKK FAKTA

Det er EU som har donert dei 99 000 vaksinane som kom til hovudstaden Kinshasa klokka 13 lokal tid. Det skal også kome 200 000 dosar til i helga.

No startar arbeidet med å vaksinera vaksne i dei regionane i landet som er mest ramma av sjukdommen.