Ei undersøking gjort av Medietilsynet i 2020, viste at engelsk er det vanlegaste språket for barn og unge når dei ser på TV, YouTube, eller når dei speler dataspel. På sosiale medium som TikTok får du òg høyra veldig mykje engelsk.
I 2020 var halvparten av alle niåringar på sosiale medium, ifølgje tal frå Medietilsynet. TikTok og Snapchat var mest populært, skriv Ung.Forskning.
- LES MEIR: Fleire barn byter ut norsk med engelsk
– Desse ungdommane har ein veldig naturleg forhold til engelsk. Det er heilt ukomplisert. Dei ser ikkje på seg sjølv som at dei lærer engelsk, dei berre bruker det, seier språkforskaren Pia Sundquist til Forskning.no.
Ikkje berre spel-uttrykk
Ein lærer mange ord som kjem til nytte i kvardagen.
– Mange trur at gamerar berre lærer seg spesielle spel-uttrykk. Men slik er det ikkje. Dei lærer meir eller mindre vanlege ord og har generelt ei større evne når det gjeld ordkunnskap og ordforståelse, sa Pia Sundqvist til Forskning.no.
- SJEKK UT KVISSEN: Kan du desse engelske orda?
Fleire blandar òg norsk og engelsk når dei held ein vanleg samtale.
– Me synest rett og slett at engelsk er kult og nice og awesome. Det har sjølvsagt å gjera med den krafta (impacten …) engelsk har i musikk, film og seriar, sa språkforskar Helene Uri til VG i 2021.
