Regjeringa valde å vera endå meir forsiktig og vil berre opna barnehagane 20. april, og så 1.-4.trinn ei veke etter.
At nokon foreldre skal vera uroa, er ikkje nokon grunn til å hindra barn sin rett til å gå på skulen.
– Mitt råd er: Lytt til fakta og ikkje så mykje til frykten, sa Barneombod Inga Bejer Engh på NRK Dagsrevyen måndag kveld.
Viktig rett
– For nokon er det heilt avgjerande for å læra. For nokre barn er det heilt umogleg å ha ei læringskurve som ein forventar når dei er heime. Det gjeld barn som har det utrygt heime, og barn som strevar med læring, seier Barneombodet, og legg til:
– For alle barn er det viktig å gå på skulen, og det er ein av dei viktigaste rettane barn har.
Nokre unntak
Barneombodet seier at det er enkelte familiar der nokon kan ha ein sjukdom som gjer at ein er i risikosona. Ho meiner at ein då må snakka med legen og skulen om kva ein bør gjera, og finna gode løysingar.
